live
Project Overview

იტალიური რესტორანი

სურნელება, მომსახურეობა, მდებარეობა, გარემო – რესტორანი არის გამორჩეული სწორედ მაშინ, როდესაც თითოეული ეს ელემენტი ჯადოსნურად არის თავმოყრილი ერთიანობაში; აქ გატარებული დროის მოგონებები კი დღეების, თვეების და წლების შემდეგაც შეგახსენებენ თავს. “XVII • Seventeen” არის რესტორანი, რომელშიც შეგიძლიათ დატკბეთ იტალიური სამზარეულოს მომნუსხველი სურნელებითა და ფერებით.

XVII • Seventeen

XVII • Seventeen



ახალი იტალიური რესტორანი “XVII • Seventeen” განთავსებულია „King David-ის“ კომპლექსში. ეს გახლავთ იდეალური ადგილი, სადაც კარგად შეიგრძნოთ ქალაქის ენერგეტიკას და ისიამოვნებთ პანორამული ხედებით.

ჩვენმა შეფმზარეულმა ანტონიო ბარატტომ მოიარა მთელი იტალია და შეაგროვა ყველაზე უნიკალური იტალიური რეცეფტები, რომლებიც თბილისში ჩამოიტანა. ასე რომ, მზის სხივებით გაჯერებული, სურნელოვანი, გენიალურად მარტივი და ახალი იტალიური სამზარეულო უკვე თქვენს ლანგარზეა.

“XVII • Seventeen” რესტორნის ერთერთი მთავარი გამოწვევა ისეთი გარემოს შექმნაა, რომელიც ჰარმონიულად ერწყმის ბუნებას - სწორედ ამიტომ არის ინტერიერი ძირითადად მწვანე ფერში და გაფორმებულია ხეებისა და ყვავილების მრავალფეროვანი პალიტრით. აღსანიშნავია, რომ ავეჯსა და სხვა დეკორატიულ ელემენტებს დიზაინში შემოაქვთ უფრო ნათელი პალიტრა. რესტორნის შთაგონების წყარო მუსიკაც გახლავთ - სპილენძის მოგრძო ბარის დახლი, რომელიც წააგავს ორღანს და ბუნებისაგან შთაგონებულ დიზაინს თანამედროვეობის ელფერს სძენს.